10 янв 13:17
Янгиликлар

Теннис

Алькарас ва Синнер Кореяга ташрифдан мўмайгина пул ишлаб олади

Дунёнинг биринчи ва иккинчи ракеткалари Корея Республикасидаги кўргазмали мақомдаги ўйинлар учун қанча ҳақ олиши маълум бўлди.

Теннисчиларнинг ҳар бири тахминан 2 миллион евро миқдорида гонорар олади. Бу ҳақда Италиянинг La Gazzetta dello Sport нашри ишончли манбаларга таяниб хабар бермоқда.

Учрашув бугун, 10 январь куни Инчеон шаҳридаги Inspire аренада бўлиб ўтади.

Таққослаш учун, бир неча кундан сўнг старт оладиган Australian Open 2026 финалчиси бу йил 1,4 млн доллар, чемпион 2,8 млн доллар мукофот пули ишлаб олади.