Алькараз Мадрид "Мастерс"да чемпионликни ҳимоя қилди

Сайёрамизнинг 2-ракеткаси испаниялик Карлос Алькараз ўз юртида бўлиб ўтган нуфузли "Мастерс" турнири финалида АТР рейтингида 65-ўринни эгаллаб турган Ян-Леннард Штруффни 6/4, 3/6, 6/3 ҳисобларида мағлуб этди.

Учрашув 2 соату 26 дақиқа давом этган. Спортчиларнинг ўзаро учрашувларида испаниялик теннисчи олдинга чиқиб олди - 2:1.

20 ёшли Алькараз учун бу тўртинчи "Мастерс" унвони сифатида совринлари қаторига қўшилди. У турнирдаги ғалабаси учун 1000 рейтинг очкоси ва пул мукофоти сифатида 1 105 265 евро, Штруфф эса 600 очко ва 580 000 евро олади.