05 июн 18:11
Янгиликлар

Теннис

Almaty Challenger. Истомин ғалаба билан бошлади

Қозоғистоннинг Алмати шаҳрида теннис бўйича “Челленжер” туркумига кирувчи турнир давом этмоқда.

Мусобақанинг соврин жамғармаси 54 160 долларни ташкил этиб, асосий тўрда 64 нафар теннисчилар баҳсларга киришишди. Ҳамюртимиз Денис Истомин Almaty Challenger турнирининг иккинчи ракеткаси сифатида сараланган бўлиб, ўз иштирокини тўғридан-тўғри иккинчи даврадан бошлади.

Истомин россиялик Александр Журбинга қарши кортга чиқиб, рақибини 1 соату 13 дақиқа давом этган учрашув якунида 6:1, 6:4 ҳисобида мағлуб этди. Денис дунё рейтингида 97, Журбин эса 467-ўринни эгаллаб турибди. Энди Истомин 1/8 финалда турнирнинг 13-ракеткаси аргентиналик Федерико Кориага қарши кортга чиқади.