12 сен 08:19
Янгиликлар

Теннис

Almaty Open. Икки теннисчимиз иккинчи даврада!

Қозоғистоннинг Алмати шаҳрида теннис бўйича “Фьючерс” туркумига кирувчи ITF турнири давом этмоқда.

Соврин жамғармаси 15 000 АҚШ долларини ташкил қилувчи мусобақада ўзбекистонлик теннисчилар ҳам муваффақиятли иштирок этишяпти. Асосий тўрда қатнашаётган уч теннисчимиздан икки нафари иккинчи даврага йўл олди.

Тажрибали Албина Хабибулина илк даврада россиялик Анна Яковлевани ортиқча қийинчиликсиз 6:1, 6:2 ҳисобида таслим этди. Севиль Йўлдошева эса яна бир рус теннисчиси Алиса Пастегаевадан 4:6, 6:3, 6:2 ҳисобида устун келди.

Асосий тўрга имтиёзли йўлланма асосида қўйилган Ясмина Каримжонова турнирнинг олтинчи ракеткаси россиялик Влада Ковалга 1:6, 0:6 ҳисобида ютқазди. Энди Хабибулина иккинчи даврада саккизинчи ракетка қозоғистонлик Жибек Куламбаевага, Йўлдошева эса айнан Ковалга қарши кортга чиқади.