Амалдаги BOSS Open чемпиони ютқади, унинг рақиби 31 та эйс зарбасини амалга оширди

Мусобақанинг амалдаги чемпиони Фрэнсис Тиафо 1/4 финалда мағлубиятга учради ва ўз унвонини ҳимоя қила олмади. Натижада унинг чемпионнинг очколари куяди ва янгиланган рейтингда пастга тушади. Ҳозирда дунёнинг 28-ракеткаси бўлиб турган америкалик теннисчи 1/4 финалда ATP рейтингида 40-поғонада бораётган британиялик Жек Дрэйперга имкониятни бой бериб қўйди - 7/5, 4/6, 6/7(1).

Жек теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1. Икки соату 13 дақиқа давом этган баҳсда Дрэйпер оз эмас, кўп эмас, 31 та эйс зарбасини амалга оширди. Тиафода бу кўрсаткич 12 тани ташкил қилди. Иккала теннисчи ҳам 3 тадан қўшхатога йўл қўйиб, 1 тадан брейкка эришишди. Дрэйпер BOSS Open турнирининг 1/2 финалида америкалик Брэндон Накашимага қарши кортга чиқади.