Амалдаги чемпион Мадрид "Мастерс" 1/4 финалига чиқди

Сайёрамизнинг иккинчи ракеткаси испаниялик Карлос Алькараз турнирнинг тўртинчи босқич учрашувида Германия вакили Александр Зверевни (АТР рейтингида 16-ўрин) мағлуб этиб, чорак финалга чиқди.

Баҳс испаниялик теннисчининг 6/1, 6/2 ҳисобидаги ғалабаси билан якунланди. Учрашувнинг давомийлиги 1 соату 23 дақиқани ташкил этди. Алькараз тўртта эйс зарбасини амалга ошириб, битта қўшхатога йўл қўйди ва ўнта брейкнинг тўрттасидан унумли фойдаланди. Зверев ҳисобига эса учта эйс ва тўртта қўшхато ёзилди. Спортчиларнинг ўзаро учрашувларида германиялик ҳамон олдинда - 3:1.

Мадриддаги "Мастерс" турнири чорак финал учрашувида Карлос Алькараз энди россиялик Карен Хачанов билан куч синашади. Мадрид "Мастерс" турнирининг амалдаги чемпиони айнан Карлос Алькараз ҳисобланади.