07 июн 14:18
Янгиликлар

Теннис

Аманда Анисимова “Шлемлар”даги 12 йиллик рекордни янгилади

Париж шаҳрида якуни сари яқинлашаётган Франция Очиқ чемпионатида бир нечта рекордлар янгиланмоқда.

Жумладан, “Ролан Гаррос” турнирининг аёллар ўртасидаги баҳсларида шов-шув кўтара олган америкалик Аманда Анисимова сўнгги 12 йилликнинг рекордини янгилашга муваффақ бўлди.

Асли келиб чиқиши россиялик бўлган Аманда чорак финалда мусобақанинг амалдаги ғолибаси руминиялик Симона Халепни 6:2, 6:4 ҳисобида таслим этди. Анисимова бу натижаси билан “Катта Дубулға” турнирларининг ярим финалида ўйнаган ёш теннисчига айланди.

Маълумот учун, Аманда 31 август куни 18 ёшга тўлади. Бундан аввалги реокрд 2007 йилги Australian Open турнири ярим финалида қайд этилганди. Ўшанда чехиялик Николь Вайдишова Австалия Очиқ чемпионатининг ярим финалида ўйнаган эди.