07 май 18:52
Янгиликлар
Сув спорти турлари
Америкалик спортчига ёнғинлар туфайли йўқотган 10 та олимпия медали нусхалари топширилди
Сузиш бўйича Олимпия ўйинлари чемпиони Гэри Холл Калифорниядаги ёнғинлар сабаб йўқотган медалларининг нусхаларини қабул қилди.
Аввалроқ хабар берилганидек, АҚШ терма жамоасининг собиқ сузувчиси Гэри Холл табиий офат туфайли Лос-Анжелесдаги уйидан ва у ердаги 10 та медалидан айрилган эди.
Халқаро Олимпия Қўмитаси (ХОҚ) 50 ёшли Холлни Лозаннага таклиф қилди. У ерда ташкилот раҳбари Томас Бах шахсан унинг йўқолган медалларининг нусхаларини топширди.
"Бу жуда ҳаяжонли ҳолат, сўз билан ифода этиш қийин. Бундай қийин ҳолатда кўрсатган ёрдами учун Олимпия ҳаракатига миннатдорлик билдираман", — деди Холл.
Холл 1996 йилдан 2004 йилгача бўлган Олимпия ўйинларида 5 та олтин, 3 та кумуш ва 2 та бронза медалини қўлга киритган. Унинг отаси катта Гэри Холл ҳам спортчи бўлиб, 1968, 1972 ва 1976 йилларда Олимпия ўйинларида 3 та медаль қўлга киритган.
Ҳавола :
Манба : olympics.com
Фикрлар