04 мар 12:41
Янгиликлар
Теннис
Андрей Рублев кетма-кет иккинчи йил Дубайдаги турнир финалига чиқди
Дубайдаги турнирнинг финалида икки россиялик теннисчи баҳс олиб борадиган бўлди.
Жаҳоннинг олтинчи ракеткаси россиялик Андрей Рублёв турнирнинг ярим финалида АТР рейтингида 16-поғонани эгаллаб турган германиялик Александр Зверевни 6/3, 7/6 (9) ҳисобида мағлуб этди.
Учрашув бир соату 58 дақиқа давом этди. Спортчиларнинг ўзаро учрашувларда ҳисоб катта фарқ билан германиялик теннисчи томонида, 5:1.
25 ёшли россиялик теннисчи октябрь ойида Испаниянинг Хихон шаҳрида чемпионликни қўлга киритганидан бери илк бор АТР турнири финалига чиқди.
Dubai Duty Free Tennis Championships мусобақаси ғолиблиги учун Рублёв ҳамюрти Даниил Медведевга қарши баҳс олиб боради.
Ҳавола :
Манба : gotennis.ru
Фикрлар