18 сен 11:40
Янгиликлар

Теннис

Андрей Рублёв Рим "Мастерс"ни тарк этди

Италия пойтахти Рим шаҳри мезбонлигида ўтаётган теннис бўйича "Мастерс" турнири ўзининг қизғин палласига кирди.

Дунёнинг 12-ракеткаси бўлиб турган Андрей Рублёв мусобақанинг учинчи даврасига чиқа олмади. Россиялик 22 ёшли теннисчи 2 дақиқаси кам 2 соат давом этган 2-давра учрашувида рейтингнинг 31-поғонасидан жой олган польшалик 23 ёшли Хуберт Гуркачга ютқазиб қўйди - 6/7(6), 6/3, 2/6.

Баҳс давомида Рублёв 12, Хуберт эса 15 та эйс зарбани амалга оширишга муваффақ бўлди. Бу теннисчиларнинг ўзаро илк учрашуви эди. Энди Гуркач Internazionali BNL d'Italia 1/8 финалида аргентиналик Диего Шварцманга қарши кортга чиқади.