Андрей Рублёв Стокгольмда 1/4 финалга чиқди

Дунёнинг еттинчи ракеткаси Андрей Рублёв иккинчи даврада ATP рейтингининг 70-поғонасида бораётган франциялик Александр Мюллерни ортиқча қийинчиликсиз мағлубиятга учратди - 6/4, 6/1. Россиялик ракетка устаси бу билан ўзаро учрашувлардаги ҳисоб мувозанатини ҳам тиклаб қўйди - 1:1. 

Етмиш беш дақиқа давом этган баҳсда Рублёв 6, Мюллер 1 та эйс зарбасини амалга оширган. Иккала теннисчи ҳам қўшхатога йўл қўймади. Брейклар бўйича мутлақ устунлик Андрей томонида бўлди - 4 га 0! Энди у ярим финал чиптаси учун швейцариялик Стэн Вавринкага қарши кортга чиқади.