Анисимова илк совринини Боготада қўлга киритди

Америкалик теннисчи Claro Open Colsanitas турнирининг финалида австралиялик Астра Шармага қарши кортга чиқди. Аманда 1 соату 43 дақиқа давом этган баҳсда рейтингнинг 138-поғонасидан жой олган рақибасини 4/6, 6/4, 6/1 ҳисобида енгди.

Аманда Боготадаги турнирни узоқ вақт эслаб қолади. У фаолиятидаги илк совринини айнан шу ерда қўлга киритди. Анисимова турнирдаги муваффақиятли иштирок сабаб ҳамёнини 43 000 долларга бойитиб олди. Ўз ҳисобига 280 рейтинг очкосини ҳам ёзиб қўйди.