05 сен 09:19
Янгиликлар

Теннис

Анжелик Кербер US Open 1/8 финалига чиқди

АҚШнинг Нью-Йорк шаҳрида "Катта Дубулға" туркумига кирувчи US Open турнири давом этмоқда.

Аёллар ўртасидаги баҳсларда сайёрамизнинг 23-ракеткаси Анжелик Кербер турнирнинг нимчорак финалига йўл олди. Германиялик теннис маликаси учинчи давра учрашувида рейтингнинг 128-поғонасидан жой олган америкалик Энн Лини ортиқча қийинчиликсиз мағлубиятга учратди - 6/3, 6/4.

Бир соату 16 дақиқа давом этган учрашувда Анжелик битта, Энн эса иккита эйс зарбани амалга оширди. Бу теннисчиларнинг ўзаро ўтказган илк учрашуви эди. Энди Кербер US Open турнирининг нимчорак финалида франциялик Каролин Гарсиядан устун келган америкалик Женнифер Брэдига қарши кортга чиқади.