14 янв 11:02
Янгиликлар

Бокс/ММА

Анвар Бойназаров рақиби билан юзма-юз келди, эртага жанг + ФОТО

Ўзбекистонлик аралаш яккакураш устаси Анвар Бойназаровнинг деярли бир йиллик танаффусдан сўнг яна жанг ўтказиши ҳақида хабар берган эдик.

Бойназаров 14 январь куни (бизнинг вақт билан эртага тонгда) АҚШнинг Техас штати Даллас шаҳрида ўтказиладиган LFA 121 турнирида америкалик Жон Фамга қарши октагонга кўтарилади. Кеча рақиблар жанг олдидан илк бор кўз уриштириш маросимида юзма-юз келишди.

Маълумот учун, 33 ёшли Анвар Бойназаров ўтган йилнинг март ойида АҚШнинг Флорида штатида ташкил этилган Cоmbat Night турнирида мезбон спортчи Роб Фуллерни муддатидан аввал нокаут эвазига мағлуб этган эди. 28 ёшли Жон ҳисобида эса 4 ғалаба ва 2 мағлубият бор.

LFA 121 турнирининг марказий жанги Аарон Маакензи (10-2-1) ҳамда Жошуа Жонс (11-5-0) ўртасида бўлиб ўтади.