Анвар Бойназаров яна ММАга қайтмоқда. Унинг рақиби, жанг санаси ва манзили аниқ (ПОСТЕР)

15 декабрь тонгида АҚШнинг Техас штати, Хьюстон шаҳрида жойлашган Imagen Venues мажмуасида ММА бўйича Fury FC 112 турнири бўлиб ўтади.

Аҳамиятлиси, турнир доирасида ўзбекистонлик таниқли аралаш якка кураш устаси, Дана Уайт даъвогарлар серияси иштирокчиси Анвар Бойназаров ҳам октагонга кўтарилади. Унга ўша куни америкалик Кэмерон Грейвс рақиблик қилади. 

36 яшар Анвар Бойназаров сўнгги учта жангини жанговар каратэ қоидалари бўйича ўтказиб, 1 та ғалаба ва 2 та мағлубият қайд этганди. У ММА бўйича ҳозирга қадар 9 та жангда 5 та ғалаба ва 4 та мағлубиятни ўз ҳисобига ёздириб қўйган. 31 ёшли Грейвс ҳисобида эса 14 та ғалаба ва 8 та мағлубият бор.