АҚШ Беларусь Миллий Олимпия қўмитасига қарши санкциялар жорий этди

"АҚШ Молия вазирлиги беларуслик жисмоний ва юридик шахсларга нисбатан санкцияларнинг энг катта турини жорий қилди. Жумладан, пул ювиш, санкциялардан қочиш ва виза беришни тақиқлашда айбламоқда. Беларусь МОҚ спортчиларини сиёсий камситиш ва тазийқлардан ҳимоя қила олмагани учун Халқаро Олимпия Қўмитаси томонидан очиқ танбеҳ олган", - дейилади Оқ уй баёнотида.

1 август куни Беларусь МОҚ енгил атлетикачи Кристина Тимановскаяни Токиодаги ўйинлардан четлатди ва буни унинг "ҳиссий ва психологик ҳолати" билан изоҳлади.

Ундан олдин 100 ва 200 м масофага югуриш йўналишига ихтисослашган спортчи 4х400 м эстафета бўйича ҳам иштирок этиши эълон қилинганини билиб, терма жамоа раҳбариятини танқид қилган эди.

Кейинчалик Тимановская таҳдидларга дуч келганини ва уни ихтиёрига қарши Токиодан олиб чиқмоқчи бўлганини айтди. Польша спортчига гуманитар виза берди. У ҳозир Варшавада.