30 сен 10:20
Янгиликлар
Бокс/ММА
"АҚШда Жошуа ва Усик жангини бирорта ҳам одам томоша қилмади". Оскар де ла Хойя Эдди Хирн ҳақида жуда салбий фикрлар билдирди
Ўтмишдаги таниқли боксчи ва ҳозирда промоутерлик фаолиятини олиб бораётган Оскар де ла Хойя Энтони Жошуа ва Александр Усик ўртасидаги жанги ҳақида қизиқ бир фикрни билдирди.
"Мен сизларга биргина нарсани айтаман: АҚШда Жошуа ва Усик жангини бирорта ҳам одам томоша қилмади. Бу қандай промоутер бўлдики, АҚШда ишлашни билмаса, унинг исми Хирнс эдими? Йигитча, Буюк Британияда қол ва ўша ерда жангларингни ташкил қилаавер. Сен АҚШда нима қилиш кераклигини умуман тушунмайсан.
Ҳа, унинг исми Эдди Хирнмиди? Бу йигитни АҚШдан узоқроқда сақлаш керак. Хирн жангларни қандай ташкил қилишни ва уларни сотишни билмайди. У буни исботлади. Усик ўзига тож кийдирди, Эдди Хирн эса Жошуанинг фаолиятини бузиб юборди", - деди Оскар де ла Хойя.
Эслатиб ўтамиз, Александр Усик бир неча кун олдин Энтони Жошуани очколар ҳисобига мағлуб қилиб, супероғир вазнда янги чемпионга айланганди.
Ҳавола :
Манба : IFL TV
Фикрлар