Аралаш жанг санъатлари бўйича вилоят биринчилиги ўтказилмоқда

Шундай спорт турларидан бири Аралаш жанг санъатлари спортидир. Бу спортга кўплаб ёшлар қизиқиш билдирган ҳолда барча ҳудудларда ташкил этилган бўлимларда машғулотларда иштирок этишмоқда.

Куни кеча Наманган шаҳрида жойлашган “Паҳлавон” спорт мажмуасида вилоят чемпионатига старт берилган эди. Ушбу мусобақада 17-18 ёш ва ундан катта ёшдаги ҳаваскор спортчилар ўзаро баҳс олиб боришмоқда.

Мусобақада 90 нафардан ортиқ иқтидорли спортчилар 10 та вазн тоифаси бўйича ғолиблик учун курашишмоқда. Бугун яъни 16 март куни 15:00да мусобақанинг очилиш маросими ҳамда финал жанглари бўлиб ўтади.

Ушбу мусобақани ўтказишдан кўзланган асосий мақсад Аралаш жанг санъатлари спорт турини янада оммалаштириш, ёшларни ушбу спорт турига бўлган қизиқишни ошириш ҳамда вилоят ва республикамиз шарафини муносиб ҳимоя қиладиган иқтидорли спортчиларни саралаб олишдан иборат.