15 авг 08:35
Янгиликлар

Теннис

Арина Соболенко Цинцинатти WTA 1000 турнири 1/4 финалида

АҚШнинг Цинцинатти шаҳрида теннис бўйича WTA 1000 тоифасига кирувчи нуфузли турнир давом этмоқда.

Сайёрамизнинг биринчи рақамли теннис маликаси Арина Соболенко мусобақанинг чорак финал иштирокчисига айланди. Беларуслик теннисчи 1/8 финалда WTA рейтингида 42-ўринни эгаллаб турган испаниялик Жессика Бусас Манейрони икки сетда мағғлуб этди - 6/1, 7/5.

Бу теннисчиларнинг ўзаро ўтказган иккинчи учрашуви бўлди - 2:0. Саксон бир дақиқа давом этган баҳсда Соболенко 4, Бусас Манейро 2 та эйс зарбасини амалга оширди. Энди Арина чорак финалда қозоғистонлик Елена Рибакинага қарши кортга чиқади.