30 мар 08:10
Янгиликлар

Теннис

Арина Соболенко Miami Open турнири ғолиби + ФОТО

АҚШнинг Майами шаҳрида теннис бўйича WTA 1000 тоифасига кирувчи турнир якунига етди.

Бош соврин кутилганидек, дунёнинг биринчи ракеткаси Арина Соболенкога насиб қилди. Беларуслик теннис маликаси ҳал қилувчи финал учрашувида WTA рейтингида тўртинчи ўринни эгаллаб турган америкалик Жессика Пегуладан устун келди - 7/5, 6/2.

Теннисчиларнинг ўзаро учрашувларидаги ҳисоб Арина фойдасига йириклашиб кетди - 7:2. Саксон саккиз дақиқа давом этган финал баҳсида Соболенко 3, Пегула 1 та эйс зарбасини амалга оширган.

Бу Соболенко учун мавсумдаги иккинчи, фаолиятидаги 19-соврин бўлди. Арина WTA 1000 тоифасига кирувчи турнирлардаги 8-титулини қўлга киритди. Miami Open турниридаги муваффақиятли иштирок Соболенкога 1000 рейтинг очкоси ҳамда 1 миллион 124 минг 380 АҚШ доллари миқдорида мукофот пули келтирди.