17 дек 09:35
Янгиликлар

Бокс/ММА

Артур Бетербиев иккинчи уринишда вазн меъёрини бажарди

Бугун (бизнинг вақт билан эртага тонгда) Канаданинг Монреаль шаҳрида профессионал бокс кечаси ўтказилади.

Оқшомнинг марказий жангида яримоғир вазн тоифасида WBC чемпиони Артур Бетербиев америкалик Маркус Браунга қарши рингга кўтарилади. Эртанги жанг олдидан ўтказилган вазн ўлчаш маросимида россиялик боксчи белгиланган вазн меъёрини бажара олмади.

Бетербиев иккинчи уринишдагина тарозида 175 фунт вазнни қила олади. Унинг рақиби эса биринчи уринишдаёқ 174,6 фунт вазн билан белгиланган талабни бажарди.

Маълумот учун, 36 ёшли Артур Бетербиев шу йилнинг март ойида Москвада германияоик Адам Дайнесни нокаутга учратган эди. Бетербиев проф боксда 16 та жанг ўтказиб, барчасида рақибларини нокаутга учратган. 30 ёшли Браунда эса 24 ғалаба ва бир мағлубият бор.