Арум Фьюри учун ким рақиб бўлиши мумкинлиги ҳақида гапирди

"Биринчи навбатда йирик боксчини танлаш керак, майдалари шарт эмас. Тайсон уларнинг устига шунчаки ўтириб олиши мумкин. Бизга бокс тушишни биладиганлар керак. У кучли зарбага эга яхши боксчи бўлиши лозим. 

Фьюрига ажойиб зарбага эга, лекин ёмон бокс тушадиган рақиб керак эмас. Уайлдерга қарши жангда у бундай спортчилар билан қандай жанг қилиш кераклигини кўрсатиб қўйди. 

Мен Фьюрининг Дюбуага қарши жангини кўришни истардим. Даниэль бокс тушишни билади, у йирик ва яхши зарбага эга. У бир йилдан сўнг Тайсонга муносиб қаршилик кўрсата олади. Бу қизиқарли жанг бўларди", - деди Арум.