Асадбек Мамажонов Қозоғистонда рингга кўтарилиб, илк мағлубиятини қабул қилиб олди

Оқшом доирасида ўзбекистонлик проф боксчи Асадбек Мамажонов ҳам ўз жангини ўтказди. -57 кг вазн тоифасида ўз жангларини ўтказиб келаётган ҳамюртимиз "Алмати Арена"да қозоғистонлик боксчи Жолдас Жениссовга қарши рингга кўтарилди. 6 раундга мўлжалланган жанг тўлиқ давом этди ва унда ҳакамларнинг якдил қарори билан Жолдас Жениссов ғолиб деб топилди. 

Маълумот учун, бу Асадбек Мамажонов учун проф рингдаги илк мағлубият ҳисобланади. Жениссов эса профессионал боксдаги олтинчи ғалабасини қўлга киритди, у ҳозирча мағлубиятга учрагани йўқ.