ASB Classic. Дарья Касаткина ғалаба билан бошлади

Россиялик теннисчи ASB Classic турнирининг илк даврасида WTA рейтингида 54-ўринни эгаллаб турган испаниялик Карла Суарес Наваррони 6/3, 3/6, 6/2 ҳисобида мағлубиятга учратди. 

Учрашув 1 соату 46 дақиқа давом этган. Бу вақт оралиғида 22 ёшли Касаткина 2 та эйс зарбасини амалга оширди. Даша ўзаро учрашувларда 2:0 ҳисобида олдинга чиқиб олди. Касаткина иккинчи босқичда америкалик Аманда Анисимова ва украиналик Катериной Козлова баҳси ғолибасига қарши кортга чиқади.