Асли ўзбекистонлик боксчи Молдова номидан жанг қилиб, ғалаба қозонди

Кундузги дастурдан ўрин олган яна бир жанг якунига етди.

-71 кг вазн тоифасида 1/32 финалдан ўрин олган жангда асли ўзбекистонлик, ҳозирда Молдова номидан жанг қилаётган Даврон Бозоров Хитой Тайпейи вакили Кан Чиа-Вейга қарши рингга чиқиб, ҳакамлар қарори билан (4:3) ғалаба қозонди.

Таъкидлаш жоиз, Даврон Бозоров Хоразмда таваллуд топган. У бугунги ғалабаси орқали 1/16 финал босқичига йўл олди. Қизиғи, Даврон Бозоров кейинги жангида ҳам ғалаба қозонган тақдирда ўзбекистонлик бошқа бир боксчи — Саиджамшид Жафаров билан тўқнаш келиши мумкин. Бунинг учун Саиджамшид ҳам ўзининг навбатдаги жангида ғалаба қозониши керак бўлади.