ATP рейтинги. Алькарас йилни биринчи ракетка сифатида якунлади, теннисчимиз 10 поғона юқорилади

Дунё теннисчилари рейтингида катта ўзгариш кузатилмади. Гарчи Якуний ATP турнири финалида иккинчи ракетка Янник Синнерга имкониятни бой берган бўлса-да, 2025 йилги мавсумни дунёнинг биринчи рақамли теннисчиси сифатида якунлади. Унга Туриндаги Якуний ATP турниридан кейин махсус кубок топширилди. Топ-10`таликда ҳам бир нечта ўзгариш кузатилди. Америкалик Бен Шелтон 5-ўриндан 9-поғонага тушиб кетди. Аксинча, ATP Finals ярим финалчиси Феликс Ожье 8-поғонадан 5-ўринга юқорилади. Италиялик Лоренцо Музетти ҳам бир ўринга кўтарилди. 

Янгиланган рейтингдан ўрин олган 8 теннисчимиздан тенг ярми оз бўлса-да кўтарилишга муваффақ бўлди. Мамлакатимизнинг биринчи ракеткаси Ҳумоюн Султонов бир поғонага юқорилаган бўлса, иккинчи ракеткамиз Сергей Фомин аксинча бир ўринга пастлади. Кеча Баҳрайндаги ITF M25 турнирида чемпион бўлган Фоминнинг очколари кейинги ҳафта учун ҳисобланади ва катта эҳтимол билан у Ўзбекистоннинг биринчи ракеткасига айланади. Учинчи ракеткамиз Максим Шин 10 поғонага кўтарилишга муваффақ бўлди. Илья Игнатов ва Абдулазиз Усмонжонов 2 ўринга юқорилади. Амир Милушев 10, Батир Сапаев 2, Дамир Абдусамадов 5 поғонага пастлади. 

ATP рейтинги. 17 ноябрь кун ҳолатига кўра Топ-10:

1. (1) Карлос Алькарас (Испания) - 12 050 очко

2. (2) Янник Синнер (Италия) - 11 500

3. (3) Александр Зверев (Германия) - 5160

4. (4) Новак Жокович (Сербия) - 4830

5. (8) Феликс Оже-Альяссим (Канада) - 4245

6. (6) Тэйлор Фриц (АҚШ) - 4135

7. (7) Алекс де Минаур (Австралия) - 4135

8. (9) Лоренцо Музетти (Италия) - 4040

9. (5) Бен Шелтон (АҚШ) - 3970

10. (10) Жек Дрэйпер (Буюк Британия) - 2990...

Ўзбекистонлик теннисчиларнинг АТР рейтингидаги ўрни:

396 (397). Ҳумоюн Султонов — 119 

405 (404). Сергей Фомин — 118 

977 (987). Максим Шин — 17 (+1)

1347Т (1337Т). Амир Милушев — 5

1804Т (1802Т). Ботир Сапаев — 1   

1892Т (1894Т). Илья Игнатов — 1 

1892Т (1894Т). Абдулазиз Усмонжонов — 1

1986Т (1981Т). Дамир Абдусамадов — 1