ATP рейтинги. Медведев Топ-10`га қайтди, икки етакчимиз кўтарилди, қолганларда "минус"

Янгиланган рейтингдан худди ўтган ҳафтада бўлгани сингари 8 нафар теннисчимиз жой олган. Икки етакчи ракеткамиздан ташқари қолган теннисчиларимиз рейтингда пасайишди. Мамлакатимизнинг биринчи ракеткаси Ҳумоюн Султонов 2, иккинчи рақамли теннисчимиз Сергей Фомин 6 ўринга юқорилади. 

Учинчи ракеткамиз Максим Шин 6, Амир Милушев 15, Батир Сапаев 5, Абдулазиз Усмонжонов 9, Дамир Абдусамадов ва Раҳимбек Иброҳимов бир хилда 1 поғона қуйига "шўнғишган". 

Дунё теннисчиларининг Топ-10`талигида бир нечта ўзгариш кузатилди. Галле турнири вице-чемпиони россиялик Даниил Медведев Топ-10`га қайтди. Ушбу турнир чемпиони бўлган қозоғистонлик Александр Бублик Топ-30`да дебют қилди. Жек Дрэйпер 6-поғонадан 4-ўринга юқорилади. Тейлор Фритц ва Новак Жокович аксинча пастлашди. Италиялик Янник Синнер ҳамон дунёнинг биринчи ракеткаси бўлиб турибди. Карлос Алькараз ва Александр Зверев кучли учликдаги ўринларини сақлаб қолишди. Лондон турнирида чемпион бўлган Карлос Синнерга очколар нисбати бўйича бирмунча яқинашиб олди. 

ATP рейтинги. 23 июнь ҳолатига кўра Топ-10:

1. (1) Янник Синнер (Италия) - 10430 очко

2. (2) Карлос Алькарас (Испания) - 9300

3. (3) Александр Зверев (Германия) - 6500

4. (6) Жек Дрэйпер (Буюк Британия) - 4650

5. (4) Тэйлор Фриц (АҚШ) - 4635

6. (5) Новак Жокович (Сербия) - 4630

7. (7) Лоренцо Музетти (Италия) - 4140

8. (9) Хольгер Руне (Дания) - 3530

9. (11) Даниил Медведев (Россия) - 3420

10. (10) Бен Шелтон (АҚШ) - 3170...

Ўзбекистонлик теннисчиларнинг АТР рейтингидаги ўрни:

228 (230). Ҳумоюн Султонов - 247   

445 (451). Сергей Фомин - 99  

1060 (1054). Максим Шин - 12 

1420 (1405) Амир Милушев - 4 

1774 (1769Т). Ботир Сапаев - 1   

1875Т (1866Т) Абдулазиз Усмонжонов - 1

1969Т (1968Т). Дамир Абдусамадов - 1 

1969 (1968Т). Раҳимбек Иброҳимов - 1