19 ноя 08:48
Янгиликлар

Теннис

ATP Якуний турнири. Димитров иккинчи финалчи!

Хабар берганимиздек, кеча оқшом Англиянинг Лондон шаҳри мезбонлик қилаётган теннис бўйича ATP Якуний турнирида ярим финал учрашувлари ўтказилди.

Болгариялик Григор Димитров Лондондаги O2 Arena корти мезбонлик қилаётган, соврин жамғармаси 7 миллион долларни ташкил қилувчи ушбу турнирнинг иккинчи финалчисига айланди.

Григор 1 дақиқаси кам 2 соат давом этган учрашувда америкалик Жек Сокни 4:6, 6:0, 6:3 ҳисобида таслим этди. Димитров дунё ре йтингида олти, Сок эса тўққизинчи ўринни эгаллаб турибди. Бугунги финалда болгариялик теннисчи бельгиялик Давид Гоффинга қарши кортга чиқади.