18 ноя 08:51
Янгиликлар

Теннис

ATP Якуний турнири. Гоффин ярим финалнинг сўнгги иштирокчиси

Англиянинг Лондон шаҳрида ўтказилаётган теннис бўйича ATP Якуний турнири ўзининг ҳал қилувчи палласига кирди.

Лондондаги O2 Arena корти мезбонлик қилаётган, соврин жамғармаси 7 миллион долларни ташкил қилувчи ушбу турнирда ярим финалнинг сўнгги иштирокчиси аниқланди.

Дунёнинг саккизинчи ракеткаси бельгиялик Давид Гоффин гуруҳ босқичининг сўнгги учрашувида тўртинчи рақам остида таснифланган австриялик Доминик Тимни мағлуб этиб, ярим финал йўлланмасини қўлга киритди.

26 ёшли Гоффин 1 соату 12 дақиқа давом этган баҳсда 24 ёшли Тимни 6:4, 6:1 ҳисобида мағлуб этди. Давид гуруҳнинг икки учрашувида зафар қучиб, битта баҳсда мағлубият аламини тотиб кўрди.