15 ноя 08:56
Янгиликлар

Теннис

ATP Якуний турнири. Жек Сокда ҳам ғалаба

Хабар берганимиздек, шу кунларда Англиянинг Лондон шаҳрида теннис бўйича ATP Якуний турнири бўлиб ўтмоқда.

Лондондаги “O2 Arena” корти мезбонлик қилаётган турнирда кеча иккита учрашув ўтказилди. Турнирнинг бешинчи ракеткаси бўлган хорватиялик Марин Чилич саккизинчи рақам остида таснифланган америкалик Жек Сокка 7:5, 2:6, 6:7 (4) ҳисобида ютқазиб қўйди.

Иккинчи мағлубиятини қабул қилиб олган Чилич ярим финалга чиқиш имкониятидан маҳрум бўлди. Бугун иккинчи гуруҳда яна иккита учрашув ўтказилади.

Бугунги баҳслар:

Григор Димитров (Болгария, 6) – Давид Гоффен (Бельгия, 7)

Пабло Карреньо-Буста (Испания) – Доминик Тим (Австрия, 4)