16 фев 10:54
Янгиликлар

Теннис

Australian Open 2024 ғолиби Роттердамда 1/4 финалга чиқди

Нидерландиянинг Роттердам шаҳрида теннис бўйича ATP турнири давом этмоқда.

Дунёнинг тўртинчи ракеткаси, Australian Open турнирининг амалдаги ғолиби Янник Синнер мусобақанинг чорак финал иштирокчисига айланди. Италиялик теннисчи ATP рейтингида 70-поғонада бораётган франциялик Гаэль Монфисни уч сетда мағлубиятга учратди - 6/3, 3/6, 6/3.

Теннисчиларнинг ўзаро учрашувларида Синнер катта фарқ билан олдинда бормоқда - 5:1. Бир соату 54 дақиқа давом этган баҳсда Синнер 3, Монфис 6 та эйс зарбасини амалга оширган. Бу Янникнинг кетма-кет 12-ғалабаси бўлди. Энди у 1/2 финал чиптаси учун канадалик Милош Раоничга қарши кортга чиқади.