01 дек 10:07
Янгиликлар
Теннис
Australian Open-2025. Илк wild card соҳиби маълум бўлди
2025 йилги теннис мавсумининг биринчи "Катта Дубулға" турнири ҳисобланган Австралия Очиқ чемпионатининг илк имтиёзли йўлланма эгаси эълон қилинди.
Australian Open матбуот хизмати берган маълумотга кўра, асосий тўрда тўғридан-тўғри қатнашиш ҳуқуқини тақдим этувчи wild card йўлланмаси WTA рейтингида 213-поғонада бораётган хитойлик Чжан Шуайга берилди. 35 ёшли Чин юрти вакиласи Осиё-Тинч океания минтақаси теннисчилари учун ўтказилган махсус турнирда ғалаба қозониб, ушбу имкониятни қўлга киритди.
Australian Open-2025 турнири 12-26 январь кунлари оралиғида Мельбурн шаҳрида ўтказилади. Шуайнинг Австралия Очиқ чемпионатидаги энг яхши натижаси 1/4 финал ҳисобланади. У 2016 йилги турнирда кучли саккизталикдан жой олганди. Ўшанда Чжан 1/4 финалда британиялик Йоханна Контага ютқазган эди - 4/6, 1/6.
Ҳавола :
Манба : gotennis
Фикрлар