25 янв 10:29
Янгиликлар

Теннис

Australian Open. Федерер 1/8 финалга чиқди

Мельбурн шаҳрида теннис бўйича "Катта Дубулға" туркумига кирувчи Австралия Очиқ чемпионати давом этмоқда.

Швейцариялик теннис афсонаси Рожер Федерер мусобақанинг нимчорак финалига йўл олди. Дунёнинг учинчи ракеткаси мураккаб кечган учинчи давра учрашувида қийин ғалабага эришди.

Федерер 4 соату 3 дақиқа давом этган баҳсда рейтингнинг 47-поғонасидан жой олиб турган австралиялик Жон Миллманни беш сетда мағлубиятга учратди - 4/6, 7/6(2), 6/4, 4/6, 7/6(8). Рожер учрашувда 16, Миллман эса 11та эйс зарбасини амалга оширди. Энди 38 ёшли Федерер 1/8 финалда венгриялик Мартон Фучовичга қарши кортга чиқади.