30 янв 13:18
Янгиликлар

Теннис

Australian Open. Федерерни жаримага тортишди

"Катта Дубулға" туркумига кирувчи Австралия Очиқ чемпионати ярим финалига йўл олган теннис юлдузи Рожер Федерер жарима тўлайдиган бўлди.

Гап шундаки, швейцариялик теннисчи америкалик Теннис Сангренга қарши ўтказилган турнирнинг чорак финал учрашувида ҳақорат сўзларини ишлатган. Буни чизиқ ҳаками эшитиб қолган ва баҳс якунланганидан сўнг реферига айтган.

Натижада ATP тартиб-интизом қўмитаси Рожер Федерерни 3 минг АҚШ доллари миқдоридаги жаримага тортди.

"Мен бутун арена эшитадиган даражада гапирмадим. Майли, яхши, мен жазони қабул қиламан. Келаси сафар эхтиёткорроқ бўлишга ҳаракат қиламан", - дея Федерернинг сўзларини келтирмоқда Express.

Маълумот учун, "Катта Дубулға" турнирларининг 20 карра ғолиби ярим финалда сербиялик Новак Жоковичга қарши кортга чиқади.