Australian Open ғолибаси Лиондаги юришини ғалаба билан бошлади

Сайёрамизнинг бешинчи рақамли теннис маликаси, Австралия Очиқ чемпионати ғолибаси София Кенин турнирнинг илк даврасида WTA рейтингининг 107-поғонасидан жой олган россиялик Виталия Дьяченкога қарши кортга чиқди. Америкалик теннисчи 1 соату 24 дақиқа давом этган учрашувда рақибасидан 6/4, 6/3 ҳисобида устун келди.

Бу теннисчиларнинг ўзаро иккинчи учрашуви бўлиб, Кенин ўртадаги ҳисоб мувозанатини тиклади - 1:1. Энди 21 ёшли София Open 6 Sens турнирининг иккинчи даврасида руминиялик Жадин Адин Кристианга қарши кортга чиқади.