Australian Open. Ига Свёнтек рақибасига битта гейм берди

Польшалик теннис маликаси Australian Open 1/8 финалида WTA рейтингида 128-поғонада бораётган германиялик Ева Лисга ҳеч қандай имконият қолдирмади - 6/0, 6/1. Бу теннисчиларнинг ўзаро ўтказган иккинчи учрашуви бўлди - 2:0. 

Роппа-роса бир соат давом этган баҳсда Свёнтек 3 та эйс, 5 та брейкни амалга ошириб, 2 та қўшхатога йўл қўйди. Ига фаолиятида иккинчи бор Australian Open 1/4 финалида иштирок этади. 2022 йилги турнирда у 1/2 финалга қадар етиб борганди. Унинг навбатдаги рақибаси америкалик Эмма Наварро бўлади.