19 янв 08:42
Янгиликлар

Теннис

Australian Open. Истоминни мағлуб этган теннисчи яна ғалабага эришди

Австралиянинг Мельбурн шаҳрида “Катта Дубулға” туркумига кирувчи Australian Open-2018 мусобақаси давом этмоқда.

Мамлакатимизнинг биринчи рақамли теннисчиси Денис Истоминни иккинчи даврада мағлуб этган Кайл Эдмунд тўртинчи давра йўлланмасини қўлга киритди. Британиялик ракетка устаси 3 соату 37 дақиқа давом этган баҳсда грузиялик Николоз Басилашвилидан 7:6(7:0), 3:6, 4:6, 6:0, 7:5 ҳисобида устун келди.

Эслатиб ўтамиз, Кайл Эдмунд 1 соату 37 дақиқа давом этган иккинчи давра учрашувида Денис Истоминни ортиқча қийинчиликсиз 6:2, 6:2, 6:4 ҳисобида мағлуб этган эди.