20 янв 10:22
Янгиликлар

Теннис

Australian Open. Наоми Осака муваффақиятли старт олди

Австралиянинг Мельбурн шаҳрида "Катта Дубулға" туркумига кирувчи Australian Open турнири давом этмоқда.

Сайёрамизнинг учинчи рақамли теннис маликаси Наоми Осака мусобақадаги иштирокини ғалаба билан бошлади. Япониялик теннисчи биринчи давра учрашувида WTA рейтингида 59-поғонадан жой олган чехиялик Мари Бузковага қарши кортга чиқди.

Саксон дақиқа давом этган баҳс якунида Наоми рақибасини ортиқча қийинчиликсиз 6/2, 6/4 ҳисобида мағлубиятга учратди. Бу теннисчиларнинг ўзаро илк учрашуви эди. Энди 22 ёшли Осака Australian Open иккинчи босқичида хитойлик Чжен Сайсай билан рўбарў келади.