22 янв 08:58
Янгиликлар

Теннис

Australian Open. Наоми Осакада иккинчи ғалаба

Хабар берганимиздек, Мельбурн шаҳрида теннис бўйича "Катта Дубулға" туркумига кирувчи Австралия Очиқ чемпионати давом этмоқда.

Сайёрамизнинг тўртинчи ракеткаси Наоми Осака мусобақадаги иккинчи ғалабасига эришди. Япониялик теннисчи иккинчи давра учрашувида рейтингнинг 42-поғонасида бораётган хитойлик Чжен Сайсайга қарши кортга чиқди. Саксон дақиқа давом этган баҳс якунида Осака рақибасидан 6/2, 6/4 ҳисобида устун келди.

Иккала теннисчи ҳам эйс зарбани амалга ошира олишмаган. Осиёликларнинг ўзаро учрашувларида ҳисоб мувозанати тенглашди - 1:1. Энди 22 ёшли Осака Australian Open турнирининг учинчи даврасида америкалик Кори Гофф ёки руминиялик Сорана Кирстяга қарши кортга чиқади.