15 янв 15:01
Янгиликлар

Теннис

Australian Open. Новак Жокович учинчи босқичга йўл олди

Дунёнинг собиқ биринчи ракеткаси, бугунги кунда 7-поғонада жойлашган Новак Жокович Австралия Очиқ чемпионатидаги юришини давом эттирмоқда.

Сербиялик теннисчи мусобақадаги иккинчи ўйинини португалиялик Жейми Фарияга қарши ўтказди. Уч соат 1 дақиқа давом этган ўйинда Новак 6:1, 6:7, 6:3, 6:2 ҳисобларида ғалаба қозонди ва учинчи босқичга йўл олди.

Энди у учинчи босқичда чехиялик Томаш Махачга қарши кортга чиқади.