27 янв 14:59
Янгиликлар

Теннис

Australian Open. Симона Халеп 1/4 финалда

Мельбурн шаҳри мезбонлик қилаётган теннис бўйича "Катта Дубулға" туркумига кирувчи Австралия Очиқ чемпионати ўзининг қизғин палласига кирди.

Дунёнинг учинчи рақамли теннис маликаси Симона Халеп нимчорак финал учрашувида бельгиялик Элизе Мертенсни мағлуб этди. Халеп 1 соату 37 дақиқа давом этган баҳсда WTA рейтингида 17-поғонадан жой олиб турган рақибасидан 6/4, 6/4 ҳисобида устун келди.

Руминиялик теннисчи бугунги ғалабадан сўнг ўзаро учрашувлардаги устунликни оширди - 3:1. Энди 28 ёшли Симона Australian Open чорак финалида эстониялик Анетт Контавейтга қарши кортга чиқади.