15 янв 15:55
Янгиликлар

Теннис

Australian Open. Тошкент Опен-2018 ғолибаси ҳам кейинги босқичда

Хабарингиз бор, шу кунларда Мельбурн шаҳрида теннис бўйича “Катта Дубулға” туркумига кирувчи Австралия Очиқ чемпионати давом этмоқда.

Сайёрамизнинг 91-ракеткаси, Тошкент Опен-2018 ғолибаси Маргарита Гаспарян иккинчи босқич масаласини ижобий ҳал қилди. Россиялик теннисчи хитойлик Чжу Линдан устун келди.

Маргарита 1 соату 51 дақиқа давом этган баҳс якунида рейтингнинг 118-поғонасидан жой олиб турган рақибасини 4/6, 6/2, 6/2 ҳисобида таслим этди. Гаспаряннинг иккинчи даврадаги рақибаси бельгиялик Элизе Мертенс бўлади.