07 авг 07:12
Янгиликлар
Бокс/ММА
Аюбхон Бахтиёров WBC Гран-присидаги кейинги жангини мексикалик боксчига қарши ўтказади + ПОСТЕР
Шу ойда Саудия Арабистонининг Ар-Риёд шаҳрида бокс бўйича WBC Гран-приси давом эттирилади.
Хабарингиз бор, мусобақа доирасида ярименгил вазн тоифасидаги беллашувларда иштирок этаётган ўзбекистонлик чарм қўлқоп устаси Аюбхон Бахтиёров чорак финал босқичига қадар етиб келганди.
У 13 август куни Гран-придаги навбатдаги жангини ўтказади. Бахтиёровга ўша куни мексикалик Брэндон Мейжия рақиб бўлади. Аюбхон турнирнинг илк босқичида франциялик Жамал Ражабни, нимчорак финалда эса Колумбия вакили Жон Боланони мағлуб этганди.
Аввалроқ, мусобақадаги яна бир ҳамюртимиз Мужибилло Турсуновнинг ҳам мексикалик боксчи билан жанг қилиши ҳақида хабар бергандик. Учинчи вакилимиз Лазизбек Мулложонов эса эҳтимолий допинг сабаб турнирдаги иштирокини эрта якунлашга мажбур бўлди.
Ҳавола :
Манба : WBC
Фикрлар