14 май 09:53
Янгиликлар

Теннис

Азаренко Римдаги иштирокини ғалаба билан бошлади

Италия пойтахти Рим шаҳрида теннис бўйича Премьер тоифасидаги нуфузли турнир давом этмоқда.

Сайёрамизнинг 51-ракеткаси бўлиб турган Виктория Азаренко мусобақадаги иштирокини осон ғалаба билан бошлади. Беларуслик теннисчи рейтингда ўзидан уч поғона юқорида турган хитойлик Чжан Шуайга қарши кортга чиқди.

Бир соату 7 дақиқа давом этган баҳсда тажрибали Азаренко 6/2, 6/1 ҳисобида ғалаба қозонди. Энди Виктория Internazionali BNL D'Italia турнирининг иккинчи босқичида украиналик Элина Свитолинага қарши баҳс олиб боради.