Азизбек Абдуғофуровнинг вазнида WBC камари вакант бўлиб қолди

Кечанинг марказий жангида иккинчи ўрта вазн тоифасида эндиликда собиқ WBC камари соҳиби Дэвид Бенавидес Алексис Ангулога қарши рингга чиқди. Ўн икки раундга мўлжаллаган баҳсда Дэвид рақибини ўнинчи раундда таслим бўлишга мажбур этди. Аммо, кеча бўлиб ўтган вазн ўлчаш маросимида керакли оғирликни қила олмаганлиги сабабли у WBC камаридан айрилди. Қоидага мувофиқ WBC камари вакант бўлиб қолди.

Маълумот учун, мазкур вазн тоифасида ўзбекистонлик Азизбек Абдуғофуров WBC Silver камари соҳиби ҳисобланади ва айни пайтда рейтингда 2-ўринни эгаллаб турибди. Агар Абдуғофуровнинг промоутерлари келиша олишса, боксчимизда WBC олтин камари учун жанг қилишга яхшигина имконият юзага келди.