Азизбек Ғаниевни табриклаймиз!

Азизбек Абдихалилович Ғаниев 1985 йил 22 декабрь куни Тошкент шаҳрида туғилган. 

Ўзбек миллий спорт тури - белбоғли курашни дунё бўйлаб оммалаштиришни мақсад қилган Азизбек Ғаниев 2021 йил Жаҳон белбоғли кураш ассоциациясига (ЖБКА) президент этиб сайланди. Жаҳон белбоғли кураш ассоциацияси ташкил этилиб, Азизбек Абдухалилович ушбу халқаро ташкилотга президент этиб тайинлангач, очиғи белбоғли курашга бўлган эътибор янаям кучайди.

Боиси, ассоциация ташкил этилгандан кейин орадан ҳеч қанча вақт ўтмасдан, аниқроғи 7-10 октябрь кунлари айнан Азизбек Ғаниевнинг ташаббуси ва ҳомийлигида тарихда илк бор Украина давлатининг Львов шаҳрида белбоғли кураш бўйича эркаклар ва аёллар ўртасида Европа чемпионати  ўтказилди.

Шунингдек, Украинанинг Львов шаҳрида Украина  белбоғли кураши бўйича ҳам жаҳон чемпионати бўлиб ўтди. Шу ўринда таъкидлаш жоиз, ушбу чемпионат ҳам Жаҳон белбоғли кураш ассоциацияси президенти Азизбек Ғаниевнинг бевосита кўмаги остида ўтказилди.   

Яна бир асосий жиҳат, ЖБКА президенти Азизбек Ғаниев саъй-ҳаракати ва ташаббуси билан 2021 йил сентябрь ойида Европа белбоғли кураш конфедерацияси 2022 йил Осиё белбоғли кураш конфедрациясини ташкил этилди. 

2022 йил апрель ойида Бразилиянинг Сан-Паулу шаҳирда Пан-Америка белбоғли кураш конфедерациясини тузишга эришилган бўлса жорий йилда Осиё белбоғли кураш конфедрациясини ташкил этишга эришилди. 

Шунингдек, ўтган йили Жиззах шаҳрида, шу йил Қўқон шаҳрида Ўзбекистон Республикаси Президенти соврини учун ўсмирлар ва қизлар ўртасида жаҳон чемпионатини юқори савияда ўтишида ўз ҳиссасини қўшди. 

Фурсатдан фойдаланиб, сайтимиз ўқувчилари, Ўзбекистон белбоғли кураш федерацияси кенгаши ва барча мураббийлари ҳамда кўп сонли белбоғли кураш мухлислари номидан Азизбек Абдихалиловични бугунги қутлуғ сана билан самимий муборакбод этамиз. Уларга сиҳат-саломатлик, узоқ умр ва оилавий бахт тилаймиз.