05 июл 11:06
Янгиликлар

Теннис

Багдатис фаолиятидаги сўнгги учрашувда кортга чиқди

Кипр тенниси юлдузи Маркос Багдатис профессионал спортдаги фаолиятини якунлади.

Шу кунларда Лондонда давом этаётган Уимблдон турнири унинг теннисчилик фаолиятидаги сўнгги мусобақа бўлиб қолди. Маркос ўзи учун сўнгги тарихий учрашувини италиялик Маттео Берреттинига қарши ўтказди.

Багдатис Уимблдон турнири иккинчи даврасидан ўрин олган ушбу учрашувдан сўнг ракеткасини ғилофига солганини эълон қилди. 34 ёшли Маркос баҳс якунланганидан кейин корт майсасини ўпиб, экипировкаларини мухлисларга улашди.