11 дек 14:28
Янгиликлар

Бокс/ММА

Баҳодир Жалолов: "Жанг қилишни жудаям хоҳладим"

Боксчимиз Баҳодир Жалолов навбатдаги жангини 13 декабрь куни ўтказиши ҳақида аввалроқ Olamsport.com сайти орқали хабар қилгандик.

Жалолов ушбу жанг кутилмаганда ташкил этилаётгани юзасидан Инстаграмдаги саҳифаси орқали маълумот бериб ўтди.

"Ассалому алайкум азиз ватандошлар! Худо хоҳласа навбатдаги жангимга 3 кун қолди. Жанг куни кутилмаганда аниқ бўлиб қолди. Навбатдаги жангимни Мехикода ўтказаман. Карантин сабабли кўплаб режаларга ўзгартириш киритилди, профессионал жанг оқшомлари қолдирилди. Анчадан буён рингга чиқмаганим учун жанг қилишни жудаям хоҳладим. Промоутер, менежерларим менга жанг ўтказишимга шароит яратиб беришди. Худо хоҳласа бугун Жума, дуо қилиб қўйинглар! Юзимиз ёруғ бўлсин! ИншаОллоҳ ҳаммаси яхши бўлади!", - деб хабар қолдирган Баҳодир Жалолов.