Баҳодир Жалолов жангдан сўнг нималар деди?

Оғир вазнли боксчимиз «Big Uzbek» Жалолов Дубайда колумбияликк Хулио Сезар Калименога қарши рингга чиқди. Учрашув 46-сониядаёқ Баҳодирнинг нокаутли ғалабаси билан якунланди. Боксчимиз жангдан сўнг билдирган фикрларида дивизоннинг чемпионлари билан тўқнаш келишга тайёр эканлигини айтди.

«Алҳамдулиллаҳ, ғалаба қозондим. Бундан кейинги жангларда ҳам ўзбекистонликларни хурсанд қилишга ҳаракат қиламиз. Биз ҳар доим, ким билан бўлса ҳам жанг қилишга тайёрмиз. Мен яна бир-иккита жангдан кейин ким чемпион бўлса ҳаммасига қарши рингга чиқишга тайёрман. Усик, Фьюри, Жошуа. Ким бўлишининг фарқи йўқ. Менга чемпион билан тўқнаш келиш муҳим. Мақсадим – оғир вазндаги 4 та камарни Ўзбекистонга олиб бориш», - деди Жалолов тезкор нокаутдан сўнг.