Баҳорнинг учинчи куни қорли Тошкентда Judo Sport Club Cup 2025 халқаро турнири бошланди + ФОТОРЕПОРТАЖ

Уч кун давомида юртимиз ёш дзюдочиларидан ташқари, қўшни Қозоғистон, Тожикистон ва Қирғиз Республикасидан келган жами 1550 нафар иқтидор эгаси медаллар учун баҳс олиб боради. Ушбу беллашувлар 2011-2013 ҳамда 2014-2016 йилларда туғилган дзюдочилар ўртасида ўтказилмоқда. 

Мазкур мусобақада жами 170 та клуб рўйхатдан ўтган. Қозоғистондан 20, Тожикистондан 4, Қирғиз Республикасидан 2 та клуб пойтахтимизга етиб келган. Қолган барча клублар Қорақалпоғистон Республикаси, барча вилоятлар ҳамда Тошкент шаҳри ҳисобига тўғри келади. Яккалик баҳсларидан ташқари, клублар ўртасида жамоавий беллашувлар ҳам ташкил этилади. 

Эътиборлиси, Judo Sport Club Cup 2025 мусобақаси OTP Group Tashkent Grand Slam 2025 турнирига мезбонлик қилган "Юнусобод" спорт мажмуаси татамиларида ўтказиляпти.